Ադրբեջանին սահմանակից Տավուշի մարզի Վազաշեն գյուղում պլանավորվում է հանքային ջրերի շշալցման գործարան կառուցել։ Այս մասին NEWS.am–ի թղթակցին ասել է «Հայաստան–Ռուսաստան» Առեւտրաարդյունաբերական պալատի նախագահ Սերգեյ Բարսեղյանը։
Արտադրություն հիմնել է ուզում ռուսաստանաբնակ մի հայ ձեռներեց։ Շինարարությունը կարող է տեւել 1-2 տարի, քանի որ գործարանը բավականին մեծ է լինելու։ Գյուղից ոչ հեռու կան մեծ հանքային աղբյուրներ, իսկ ջրի սպառման մասին արդեն պայմանավորվածություն է ձեռք բերվել Ռուսաստանում եւ արաբական երկրներում։
«Մենք ուզում ենք, որ արտադրությունը խոշոր լինի։ Այդ ժամանակ այնտեղ կարող են աշխատել մարդիկ եւ Վազաշենից եւ մոտակա գյուղերից»,– նշել է Բարսեղյանը։