Facebook սոցիալական ցանցը կարող է շուրջ 5 մլրդ դոլարի պարտք ունենալ՝ լրացուցիչ հարկերի տեսքով: Այս մասին գրում է Gazeta-ն՝ վկայակոչելով CNN-ը:
Նման եզրահանգման են եկել ԱՄՆ հարկային վարչությունում: Հարկային մարմինն ուսումնասիրել է արտերկրում ընկերության ակտիվների փոխանցումը եւ ենթադրել, որ հարկային բեռը կարող է կազմել 3-5 մլրդ դոլար: Խոսքն Իռլանդիայում ընկերության դուստր-ձեռնարկության մասին է. 2010 թվականին այս ձեռնարկությանն է փոխանցվել ակտիվների մի մասը եւ, ըստ հետաքննության, դրանց արժեքը չափազանց նվազեցվել է:
Facebook-ը մեղադրանքները հիմնավոր չի համարում եւ պատրաստ է ԱՄՆ Հարկային դատարան հայց ներկայացնել՝ բողոքարկելու հարկային մարմնի հայտարարությունը: