Իտալիայում դատարանն օրինական է ճանաչել Skype-ով ամուսնությունը: Հաղորդվում է, որ Պակիստանի քաղաքացին եւ իտալուհին Skype-ի միջոցով ամուսնացել են 2012 թվականին, երկու վկայի ներկայությամբ:
Ըստ Informing-ի՝ այն ժամանակ Պակիստանի իշխանություններն ամուսնությունն անվավեր էին ճանաչել: Եվրոպական կողմը նույնպես կասկածի տակ է դրել այդ միության օրինականությունը: Հարսնացուն, սակայն, դատարան է դիմել:
Վերլուծելով գործի բոլոր հանգամանքները՝ դատարանը վճռել է, որ երիտասարդներն ամուսնանալու մասին գիտակցված որոշում են կայացրել: Ընդ որում, նրանք համաձայնությունը հաստատել են թվային ձեւաչափով:
Բացի այդ, դատարանում հայտարարվել է, որ ամուսնությունն արձանագրելու ժամանակ զույգը կարող է ֆիզիկապես ներկա չգտնվել արարողությանը: