ԱՄՆ Միննեսոթայի նահանգում դատարանը մերժել է 29 մարդկանց հավակնությունները, որոնք պնդում են, թե իրենք երգիչ Փրինսի բարեկամներն են եւ դրա հիման վրա ժառանգություն են պահանջում, փոխանցում է BBC–ն։
Նրանց թվում եղել է մի կին, որը պնդում էր, թե ինքը երաժշտի կինն է։ Նրա խոսքով՝ իրենց ամուսնությունը գաղտնի էր պահում ԿՀՎ–ն։ Մի քանի մարդ դատարանում հայտարարել է, որ իրենք երգչի ապուպապի քրոջ բարեկամներն են։
Հիշեցնենք, որ երաժիշտը մահացել էր այս տարվա ապրիլին 57 տարեկանում։ Նրա կարողությունը տարբեր գնահատականներով կազմում է 300-800 մլն դոլար։
