Թուրքիայում ռազմական հեղաշրջման փորձից հետո ձերբակալված 21 լրագրողներից 17-ի նկատմամբ կալանավորման որոշում է կայացվել։

Թուրքական Demokrathaber կայքի փոխանցմամբ՝ դատարանի որոշմամբ 42 լրագրողի նկատմամբ ձերբակալման որոշումից հետո իրավապահները կարողացել էին ձերբակալել 21 լրագրողի։

Դատարան ներկայացված 21 լրագրողներից 17-ի նկատմամբ կալանման որոշում է կայացվել՝ ռազմական հեղաշրջման փորձին աջակցելու մեղադրանքով։

Նշվում է, որ ոստիկանությունը աշխատանքներ է իրականացնում մյուս լրագրողներին հայտնաբերելու ուղղությամբ։