Ամերիկյան Թեխաս նահանգում օդապարիկը, որում 16 մարդ է եղել, կործանումից առաջ կարող էր դիպչել էլեկտրահաղորդման գծերի: Այս մասին գրում է ՌԻԱ Նովոստին՝ վկայակոչելով CNN-ը:
Քորդուել շրջանի դատավոր Քեն Շոուեի խոսքով՝ միջադեպի պատճառների մասին տեղեկություններն առայժմ սահմանափակ են, սակայն օդապարիկը, կարծես, անկումից առաջ դիպել է էլեկտրահաղորդման գծերին եւ այրվել:
Թեխասի Հանրային անվտանգության վարչության աղբյուրն էլ CNN-ին նույն տեղեկությունն է հաղորդել՝ վկայակոչելով քննիչների կարծիքը:
