Հոկտեմբերի 9-ի լույս 10-ի գիշերը, ժամը 1-ի սահմաններում Կոմիտասի եւ Վրացական փողոցների խաչմերուկում բախվել են «ՎԱԶ–2121» մակնիշի եւ 10 ՕՏ 544 համարանիշի եւ «Ֆորդ» մակնիշի 13 ՕՕ 707 համարանիշների ավտոմեքենաները (ֆոտոռեպորտաժ):
Ֆոտոլրագրող Գագիկ Շամշյանը դեպքի վայրից NEWS.am-ին հաղորդեց, որ բախման հետեւանքով «Ֆորդը» հարվածել է կանգառում կայանած «Գառարտ» տաքսի ծառայության ավտոմեքենային եւ շրջվել:
Վթարի վայր են ժամանել Երեւան քաղաքի Ճանապարհային ոստիկանության աշխատակիցները, ճանապարհատրանսպորտային հանցագործությունների քննության բաժնի քննիչը, եւ Արտակարգ իրավիճակների նախարարության փրկարար ծառայության աշխատակիցները:
Վթարի վայրից Շտապօգնության ծառայությունը մարմնական վնասվածքներով «Արմենիա» բժշկական կենտրոն է տեղափոխել Ռուսաստանի քաղաքացի, Խորենացի փողոցի բնակիչ, 20-ամյա Արտաշես Մարտինի Մելքոնյանին։ Տաքսու վարորդը Լենինգրադյան 24 փողոցի 30-ամյա բնակիչ Վարդան Սուրենի Գասպարյանն է։ Վթարի փաստով քննությունը վարում է ՃՏՀ քննության բաժինը։ Նշված բաժնում ճշտվում է նաեւ «Վազ 2121» մեքենայի վարորդի ինքնությունը:
Լուսանկարը եւ տեսանյութը՝ Գագիկ Շամշյանի