Հայաստանի Ազգային անվտանգության ծառայությունը հայտարարություն է տարածել՝ «Սասնա ծռեր» խմբի» հանձնվելու վերաբերյալ։ Հայտարարության մեջ խմբի անդամներին ԱԱԾ-ն կրկին «ահաբեկիչներ» է անվանել։
«Հ Ազգային անվտանգության ծառայությունը հայտարարում է, որ սույն թվականի հուլիսի 30-ին եւ 31-ին ՀՀ Ոստիկանության պարեկապահակային ծառայության (ՊՊԾ) գնդի տարածքի ազատագրմանն ուղղված հակաահաբեկչական օպերացիան ավարտվել է:
ՀՀ իրավասու իրավապահ մարմինների հատուկ նշանակության ստորաբաժանումներն իրենց հետեւողական եւ համաձայնեցված գործողություններով ստիպել են զինված խմբի անդամներին վայր դնել զենքը եւ հանձնվել իշխանություններին: Ձերբակալվել է 20 ահաբեկիչ: ՊՊԾ գնդի տարածքն ամբողջությամբ ազատագրված է»,- նշել են ԱԱԾ-ից: