Ֆրանսիայի Նիս քաղաքում տեղի ունեցած ահաբեկչության զոհերի թիվը հասել է 85-ի: Այս մասին գրում է ՌԻԱ Նովոստին՝ վկայակոչելով Reuters-ը:
«Իմ բոլոր մտքերը քիչ առաջ վախճանված Պիեռ Ատերմանի դստեր, ընտանիքի եւ մտերիմների հետ են: 85-րդ զոհը Նիսի ահաբեկչությունից հետո»,- Twitter-ում գրել է Պրովանս-Ալպ-Լազուրե ափի շրջանի ղեկավար Քրիստիան Էստրոզին:
Հուլիսի 14-ի երեկոյան Ատերմանը Նիսի ծովափնյա գոտում եղել է ընտանիքի հետ: Ահաբեկչության հետեւանքով նրա կինը զոհվել է, մի քանի օր անց վախճանվել է նաեւ նրանց 13-ամյա որդին, իսկ 14-ամյա դուստրը դեռեւս հիվանդանոցում է:
Հիշեցնենք, որ Նիսում բեռնատարը մխրճվել է մարդկանց ամբոխի մեջ: Ահաբեկչության պատասխանատվությունը ստանձնել է «Իսլամական պետություն» խմբավորումը: