Երեւանի Ազատության հրապարակում ավարտվեց ի պաշտպանություն «Սասնա ծռեր» խմբի ամենօրյա հավաքը: Մասնակիցները երթ չնախաձեռնեցին:
Հավաքի մասնակիցները հայտարարեցին, որ վաղը ժամը 19:00-ին կրկին կհավաքվեն Ազատության հրապարակում, իսկ մյուս օրն արդեն միայն երթ են անցկացնելու: Նշենք, որ այդ օրը բողոքի ակցիաներ են նախատեսվում ԱՄՆ-ում, եվրոպական մի շարք երկրներում:
Կազմակերպիչներից Գայանե Գասպարյանն էլ իր հերթին հորդորեց շրջաններից եկած մարդկանց Երեւան գալուն պես Ազատության հրապարակ գալ ոտքով:
Թեեւ Գայանե Գասպարյանը հայտարարեց հավաքն ավարտելու մասին, հարթակ բարձրացավ մի կին ու հորդորեց չմոռանալ, թե ինչ նպատակով են հավաքվել եւ լսել միայն Ժիրայր Սեֆիլյանին:
«Մենք չպիտի միայն հավաքվելով ու խոսելով բավարարվենք: Պետք է շատ մարդ գա այստեղ»,- ասաց նա:
Նշենք, որ երթի ավարտին ներկաները բացականչեցին «Սասնա ծռեր» եւ «Ոտքի», ապա հեռացան Ազատության հրապարակից:
