Երեւանի Հալաբյան փողոցում ապրիլի 25-ին թիվ 63 երթուղու պայթյունի հետեւանքով վիրավորված 14-ամյա Էդգար Գասպարյանը կրկին վիրահատության կենթարկվի: Այս մասին NEWS.am-ի հետ զրույցում ասաց նրա հետ դեպքի հետեւանքով տուժած Ռոլանդի հայրը:
«Ոտքի մեջ բեկորներ են մնացել, մի ամիս հետո կվիրահատեն նորից»,- ասաց նա:
Հիշեցնենք, որ որ թիվ 63 համարի ավտոբուսը պայթել էր ապրիլի 25-ին` ժամը 21:45-ի սահմանում, Երեւանի Հալաբյան փողոցի թիվ 11 շենքի մոտ: Երկու մարդ, այդ թվում ենթադրյալ հանցագործը, զոհվել էին, 8 հոգի տուժել էր: 2002թ. ծնված Էդգար Գասպարյանը եւ 2001թ. ծնված Ռոլանդ Խոջայանը բեկորային վնասվածքներ, այրվածքներ էին ստացել: Նրանք պայթյունից անմիջապես հետո վիրահատության էին ենթարկվել: Օրեր առաջ էլ նրանք ականջի վիրահատության են ենթարկվել:
