Քրեական հեղինակություն Ռովշան Ջանիեւը (Ռովշան Լենքորանսկի) դարձել է Զաքարիա Քալաշովի (Շաքրո Մոլոդոյ) կալանավորումից հետո բռնկված քրեական պատերազմի զոհը, հայտնում է «Ռոսբալտ»-ը:
Պարբերականի աղբյուրի տեղեկություններով՝ երբ 2016-ի հուլիսին կալանավորվել է ռուսական մաֆիայի «բոլոր բոսերի բոսը»՝ Շաքրո Մոլոդոյը, նրա հակառակորդները, այդ թվում՝ Մերաբ Ջանգվելաձեն (Մերաբ Սուխումսկի) եւ Ռովշան Ջանիեւը աննախադեպ ակտիվություն են ծավալել: Մասնավորապես՝ սեփական նախաձեռնությամբ չեղարկել են Շաքրո Մոլոդոյի ներդրած «օրենքով գողերի» թագազրկման մորատորիումը, որոնք մասնակցություն են ունեցել Տարիել Օնիանիի եւ Ասլան Ուսոյանի առճակատմանը:
Աղբյուրը ենթադրում է, որ Ռովշան Ջանիեւը դարձել է այդ ակտիվության զոհը: Պարբերականը նաեւ հիշեցնում է, որ Երեւանում տեղի ունեցած «օրենքով գողերի» ամենախոշոր հավաքի ժամանակ ոորոշվել էր ժամանակավորապես դադերեցնել Ռովշան Լենքորանսկու լիազորությունները: Նրան նաեւ կասկածում էին 2013-ին Ասլան Ուսոյանի (Դեդ Հասանի) սպանությանը մասնակցելու մեջ:
