Հարավկորեական SsangYong ընկերությունը Եվրոպայում փորձարկում է 2017 մոդելային տարվա Rexton ամենագնացը: Այս մասին հաղորդում է RuNews24-ը:

Y400 կոդային անվանումով մեքենան ներկայացվելու է Փարիզի ավտոսրահում: Նույն միջոցառման շրջանակում SsangYong-ը կներկայացնի նաեւ Y200-ը, որը փոխարինելու է Korando Sports մոդելը:

Նախնական տվյալներով՝ բարձր ամրությամբ պողպատի օգտագործման արդյունքում SsangYong-ի մասնագետները կարողացել են Rexton-ի քաշը նվազեցնել շուրջ 50 կգ-ով:

Մոդելը 2 լիտր ծավալով տուրբոշարժիչ կունենա: Կպահպանվի նաեւ 2.2 լիտր ծավալով դիզելային շարժիչը: