«Սասնա ծռեր» խմբին սնունդ տարած Արթուր Սարգսյանի խափանման միջոցը փոխելու վերաբերյալ միջնորդության քննությունն այսօր՝ օգոստոսի 19-ին, հետաձգվել է:
Լրագրողների հետ զրույցում Սարգսյանի փաստաբան Տիգրան Եգորյանը հայտնել է, որ ինքը միջնորդել էր նաեւ, որ նիստին մասնակցեր իր պաշտպանյալը:
«Վերաքննիչ դատարանը պատճառաբանել է, որ չեն կարող ապահովել Արթուր Սարգսյանի ներկայությունը: Այդ պատճառով նիստը հետաձգվեց եւ նշանակվեց օգոստոսի 23-ին»,- ասաց նա:
Հիշեցնենք, որ Արթուր Սարգսյանը հուլիսի 26-ին սննդով բեռնված մեքենայով ճեղքել էր ոստիկանության պատը եւ սնունդ հասցրել «Սասնա ծռերի» անդամներին: Նա մեղադրվում է «Սասնա ծռերին» օժանդակելու մեջ:
