Արմավիրի մարզի Արմավիր քաղաքում այսօր՝ օգոստոսի 19-ին, խոշոր հրդեհ է բռնկվել։ Այս մասին NEWS.am-ը տեղեկանում է Արտակարգ իրավիճակների նախարարության պաշտոնական կայքէջից։
Ըստ պաշտոնական հաղորդագրության՝ այրվել է քաղաքացի Ս. Հ.-ի նախկին հացի գործարանի տարածքում գտնվող ռեստորանի տնօրենի գրասենյակը՝ մասնակի, գրասենյակի պատուհանները՝ ամբողջությամբ (8 քմ), ռեստորանի տանիքը (մոտ 70 քմ), ռեստորանին հարակից չոր խոտածածկ տարածք և փայտ (40 քմ):
Դեպքի վայր են մեկնել երկու մարտական հաշվարկ:
Հրդեհը մեկուսացվել է ժամը 16.56-ին, մարվել՝ 17.36-ին:
