Աֆղանստանի մայրաքաղաք Քաբուլի շրջաններից մեկում օգոստոսի 20-ի առավոտյան պայթել է աֆղան զինվորականների մեքենայի ճանապարհին տեղակայված ինքնաշեն պայթուցիկ սարքը, հայտնում է Khaama Press-ը:
Առնվազն մեկ մարդ զոհվել է պայթյունից, որի պատասխանատվությունը ստանձնել է «Թալիբան» արմատական խմբավորումը:
Աֆղանստանում իրավիճակը վերջին ամիսներին վատթարացել է։ «Թալիբան» շարժման գրոհայինները, որոնք նախկինում երկրի գյուղական շրջաններում զգալի տարածքներ էին գրավել, սկսել են հարձակվել նաեւ խոշոր քաղաքների վրա։ Երկրի տարածքում մեծացել է «Իսլամական պետության» ազդեցությունը։