ԱՄՆ ՌԾՈւ հատուկ նշանակության ուժերի նախկին մարտիկ Մեթ Բիսոնեթը, որը հեղինակել է Պակիսատնում «Ալ Կաիդայի» պարագլուխ Ուսամա բեն Լադենի ոչնչացման հատուկ գործողության մասին գիրքը, ամերիկյան իշխանություններին 6.6 մլն դոլար կվճարի իր ստորագրած՝ գաղտնի տեղեկությունները չբացահայտելու մասին համաձայնագիրը խախտելու համար, հայտնում է Associated Press-ը:
Հաղորդվում է, որ Բիսոնեթը համաձայնության է եկել ԱՄՆ իշխանությունների հետ, որոնք ավելի վաղ դատական հայց էին ներկայացրել նրա դեմ «Ոչ հասարակ օր» (No Easy Day) գրքի հրատարակման համար:
Բիսոնեթը գիրքը հրատարակելուց առաջ (որը նա գրել է Մարկ Օուեն կեղծանունով) Պենտագոնին եւ մյուս գերատեսչություններին թույլ չէր տվել գրախոսական տալ գաղտնի տեղեկությունների համար:
Հիմա նախկին հատուկջոկատայինը 4 տարվա ընթացքում պետք է վճարի տուգանքը, որը հավասար է գրքի վաճառքից ստացած շահույթին: