ԱՄՆ Քենթուքիի նահանգի Լուիսվիլլ քաղաքում նախօրեին գողացել են հեծանիվը, որից սկսվել էր պրոֆեսիոնալ բռնցքամարտի լեգենդ Մուհամմեդ Ալիի (1942-2016թթ.) կարիերան: Այս մասին տեղեկացրել են Սփոլդինգի համալսարանից, փոխանցում է ՏԱՍՍ-ը:
«Մուհամմեդ Ալիի հիշատակը կորել է: Խնդրում ենք, օգնե՛ք գտնել կարմիր հեծանիվը, որը կախված էր մեր համալսարանական կենտրոնի սյունասրահում»,- ասել են ԲՈՒՀ-ից:
Ներկայիս համալսարանական կենտրոնի շենքում ժամանակին եղել է մարզասրահ, որտեղ Ալին 12 տարեկանում առաջին անգամ բռնցքամարտի ձեռնոցներ էր հագել: «Նա դրսում էր թողել իր հեծանիվը, իսկ ինչ-որ մեկը գողացել էր այն: Այդ ժամանակ Ալին մտավ ներս եւ սպառնաց լուծել գողի հարցերը: Ալիին հանդիպել էր ոստիկանական սպա Ջո Մարտինը, որն ասել էր, որ եթե նա ուզում է մեկին դաս տա, լավ կանի սովորի բռնցքամարտի արվեստը»,- պատմել է համալսարանի ռեկտոր Թորի Մերդենը:
32 տարի շարունակ Պարկինսոնի հիվանդությամբ տառապող Ալին մահացել էր 2016-ի հունիսի 3-ին 75 տարեկանում:
