Hyundai–Genesis ընկերության պրեմիալ ստորաբաժանման G80 եւ G90 սեդանները կարող են ստանալ եւ կատարել մեքենայի տիրոջ տանից տրված ձայնային հրամանները։ Դա հնարավոր է դարձել կորեական ավտոարտադրողի եւ Amazon համացանցային ընկերության համագործակցության շնորհիվ, փոխանցում է Motor–ը։
Նորույթն աշխատում է Amazon Alexa–ի ձայնային կառավարման համակարգի եւ Amazon Echo բարձրախոսների օգնությամբ։ Համակարգն ակտիվանում է «արթնացնող» (wake word) բառերից մեկի օգնությամբ։ Դրանից հետո մեքենայի տիրոջից պահանջվում է հայտնել անհատական նույնականացնող համարը, իսկ հետո արդեն մեքենային հրամաններ տալ։
Աշխատանքն սկսելու համար անհրաժեշտ է արտաբերել Alexa, open Genesis արտահայտությունը, որից հետո մեքենային կարելի է հրամաններ տալ։ Օրինակ՝ գործարկել շարժիչը, դնել շարժիչի թայմերը՝ կախված փողոցում եղած ջերմաստիճանից, անջատել ուժային ագրեգատը։
