Օգոստոսի 20-ին, ժամը 22.10-ին ահազանգ է ստացվել, որ Սյունիքի մարզի Տաթեւի վանքի մոտակայքում գտնվող «Սատանայի կամուրջ» կոչվող հատվածում քաղաքացի է ընկել ձորը. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Փրկարարները ձորում (մոտ 30 մ) հայտնաբերել են ՌԴ քաղաքացի Ռոստովի տարածաշրջանի Գուկովա քաղաքի բնակիչ Ի. Դ.-ի (ծնվ. 1957թ.) դին:
Փրկարարները ձորից դուրս են բերել Ի. Դ-ի դին եւ հանձնել շտապօգնության ու ոստիկանության աշխատակիցներին:
