ԵՄ կազմից Մեծ Բրիտանիայի դուրս գալու ծրագրի մշակման համար պատասխանատու բրիտանացի չինովնիկներն առայսօր գրասենյակ չունեն ու ստիպված են խորհրդակցություններ անցկացնել Starbucks սրճարաններում, գրում է The Guardian–ը:
Պարբերականի տեղեկություններով պետծառայողների հանդիպումներն անցնում են Լոնդոնի Վիկտորիա սթրիթում գտնվող սրճարանում:
Պարբերականը վերլուծում է Brexit–ի վերաբերյալ աշխատանքի նախնական արդյունքները: Մեծ Բրիտանիայի վարչապետ Թերեզա Մեյը հանձնարարել է ստեղծել ԵՄ-ից դուրս գալու ու միջազգային առեւտրի հարցերով նախարարություններ, սակայն երկուսն էլ դեռ սահմանափակ ռեժիմով են աշխատում: Եվ այսպես, այս պահին գերատեսչություններում աշխատանքի է ընդունվել ընդամենը 150 աշխատակից՝ ծրագրված 250-300-ի փոխարեն:
The Guardian-ը նշում է, որ հաշվի առնելով տվյալ հանգամանքները, ԵՄ-ից դուրս գալը կարող է դեռ երկար տեւել: Որոշ գնահատականներով՝ «ամբողջական Brexit-ը» կարող է 10 տարի տեւել ու մինչեւ 10 հազար մարդու ներգրավել: