«Սասնա ծռեր» խմբի անդամ Գեւորգ Իրիցյանը ենթարկվել է ոտքի վիրահատության: Այս մասին NEWS.am-ի հետ զրույցում նրա եղբայր Վահագն Իրիցյանը: Նա նշեց, որ իր եղբայրը կալանավորման առաջին իսկ օրվանից գտնվում է «Նուբարաշեն» ՔԿՀ-ի բուժմասում:
«Նա գնդի ներսում ոտքի վիրավորում էր ստացել, այնուհետեւ Երեւանի «Սուրբ Գրիգոր Լուսովարիչ» հիվանդանոցում ոտքը վիրահատել էին եւ քանի որ ինքնազգացողությունն այնքան էլ լավ չէ, բուժամասում է»,-ասաց Վահագն Իրիցյանը:
Նշենք, որ Գեւորգ Իրիցյանը Ջավախքի Ախալցխա քաղաքի բնակիչ է, նա հուլիսի 16-ին Երեւան էր եկել տարեց մորը տեսակցելու, իսկ հուլիսի 17-ին «Սասնա ծռերի» մյուս անդամների հետ գնացել է ոստիկանության ՊՊԾ գունդը գրոհելու:
Ավելի վաղ տեղեկացրել էինք, որ Գեւրոգ Իրիցյանին մեղադրանք է առաջադրվել ՀՀ ՔՕ 235 հոդվածի 3-րդ մասով (ապօրինի զենք զինամթերք ձեռք բերել, իրացնել, պահել, փոխադրել) եւ 218-րդ մասով (պատանդ վերցնելը):
