Անհրաժեշտ է, որպեսզի ընտրություններին մասնակցած անձանց ընտրական ցուցակները հրապարակվեն։ Այս մասին NEWS.am-ի հետ զրույցում ասել է ՕԵԿ խմբակցության նախագահ Հեղինե Բիշարյանն՝ անդրադառնալով այն տեղեկություններին, որ իշխանությունները տապալել են վերահսկողական մեխանիզմների տեղադրումը եւ քննարկում են քվեարկված ցուցակները հրապարակելու հարցը, ինչին դեմ էին նախկինում։
«Ես բարձրաձայնում էի, որ ամենաանհրաժեշտն ու կարեւորը քվեարկված ցուցակներն են, որոնք պետք է հրապարակվեն։ Ցուցակների հրապարակումը շատ կարեւոր է, եւ դրա մասին մենք ասել ենք շատ վաղուց։ Դա հնարավարություն կտա, որպեսզի մենք կարողանանք տեղամասերում համեմատել՝ Պողոս Պողոսյանը մի հատ Ալավերդիում մի հատ էլ Երեւանում արդյոք չի մասնակցել ընտրություններին։ Եթե այնպիսի մեխանիզմ դրվի, որ մասնակցության ցուցակները կարանողանանք հրապարկել եւ շատ արագության մեջ կարողանանք կրկնվող անունները վերհանել, կարծում եմ՝ լավագույն տարբերակն է։ Մեզ անհրաժեշտ է 2000 տեղամասի համեմատության մեխանիզմ»,-ասել է Հեղինե Բիշարյանը։
Հարցին՝ ինչու իշխանությունը իր համար անցանկալի տարբերակի քննարկմանը վերադարձավ, պատգամավորը պատասխանել է. «Երեւի թե մտածել են՝ ինչ որ մի տարբերակ, որ կարողանան ինչ-որ ձեւով փորձել ընտրական պրոցեսները ի շահ իրենց տանել»։
