Տիբեթի իշխանությունները բացահայտել են տղամարդուն, որն իրեն որպես Բուդդա էր ներկայացնում եւ բոլոր ցանկացողներին 200 հազար յուանով՝ 45 հազար դոլարով ռեինկարնացիա էր առաջարկում: Այս մասին գրում է The South China Morning Post-ը:
Ինքնակոչը ներկայացել է որպես 7-րդ անգամ վերածնված տիբեթ լուսավորիչ: Նա համացանցում աներեւակայելի հռչակ էր ձեռք բերել դերասան Վան Սյաոմինի հետ նմանության պատճառով: Նրան համարում են 2008-ից հետո ամենագեղեցիկ բուդդան: Նա Weibo-ում ավելի քան 80 հազար հետեւորդ ունի:
Օգոստոսի 21-ին Չինաստանի բուդդայական միությունը հանրությանը ներկայացրեց երկրում ապրող բուդդաների նոր ցուցակը, որոնց թվում նրա անունը չկար:
