Բրազիլիայի նախագահ Դիլմա Ռուսեֆը, որին ժամանակավորապես հեռացրել են պաշտոնից, մտադիր չէ հրաժարական տալ, փոխանցում է «ՌԻԱ Նովոստի»-ն:
«Ես հրաժարական տալու անգամ չնչին մտադրություն չունեմ, ես նման նվեր չեմ մատուցի»,- ասել է Ռուսեֆը լրագրողներին:
Նախագահի կարծիքով իր դեմ իմպիչմենտի գործընթացը ոչ այլ ինչ է, քան պետական հեղաշրջման փորձ:
«Ես զոհ եմ դարձել խարդախ դատարանին, որի նպատակն է հասնել նոր նախագահի անմիջական ընտրություններ նշանակելուն»,- ասել է Ռուսեֆը:
Նախագահի խոսքով՝ ներկայումս երկրի ղեկավարի պարտականությունները ստանձնած փոխնախագահ Միշել Տեմերը դավաճանել է ոչ միայն իրեն, այլ նաեւ ըտնրողներին:
Հիշեցնենք, որ Բրազիլիայի Սենատը քննում է 2015-ին ընդդիմության ներկայացրած նախագահի իմպիչմենտի հարցը:
