Moody's միջազգային վարկանիշային գործակալությունը միջնաժամկետ հեռանկարում նավթի գների կտրուկ աճ չի կանխատեսում, հայտնում է RNS –ը՝ վկայակոչելով գործակալության հաղորդագրությունը:
Moody's-ի վերլուծաբանները ենթադրում են, որ մոտ ժամանակներս նավթի համաշխարհային գները կտատանվեն բարելի դիմաց 40-60 դոլարի սահմաններում: 2016-ին Brent տեսակի նավթի գինը կլինի բարելի դիմաց 40 դոլարի սահմաններում, 2017-ին՝ 45 դոլարի:
«Թեպետ մենք վերանայել ենք նավթի գների աճի կարճաժամկետ կանխատեսումները, միջնաժամկետ հեռանկարների հարցում կանխատեսումներն անփոփոխ են մնում»,- մեջբերում է գործակալությունը Moody's-ի վերլուծաբանների կարծիքը:
Նրանց կարծիքով արաբական երկրները, որոնք շատ են կախված նավթի գներից, կշարունակեն ֆինանսական դժվարություններ ունենալ:
