Հայաստանի անկախության հռչակագիրը մեր պետության անկյունաքարն է: Այս մասին օգոստոսի 23-ին՝ մամուլի ասուլիսի ժամանակ, ասել է ԱԺ ՀԱԿ խմբակցության քարտուղար Արամ Մանուկյանը:
Շնորհավորելով հայ ժողովրդին Անկախության հռչակագրի ընդունման կապակցությամբ՝ նա նշեց, որ օգոստոսի 23-ը մեր ժողովրդի համար պատմական հրաշալի օր է: «Դա, երեւի թե, մեր պատմության ամենալավ փաստաթուղթն է, երկորրդ նմանը երեւի թե չգտնվի: Մեկ այլ պետության կազմում լինելով՝ նման փաստաթուղթ ընդունելն ուղղակի հերոսություն է»,- նշել է Արամ Մանուկյանը՝ հավելելով, որ Անկախության հռչակագրում չի եղել այնպիսի կետ, որը իրականանալի չլինի: «Ոչ ոք երբք չի քննադատել այդ հիանալի փաստաթուղթը: Դա մեր պետականության հիմքն է: Սակայն տարեցտարի մենք կորցնում ենք անկախության այդ արժեքը»,- նկատեց Արամ Մանուկյանը: