ԱՄՆ նախագահի դեմոկրատ թեկնածու Հիլարի Քլինթոնը ծիծաղել է իր հիվանդության մասին լուրերի վրա եւ որպես իր առողջ լինելու ապացույց NBC հեռուստաալիքի ուղիղ եթերում բացել է վարունգներով ապակե տարան:
Նշվում է, որ Քլինթոնը մասնակցել է Ջիմի Քիմելի ծրագրին: Նրա խոսքով, իր առողջության մասին բոլոր շահարկումները «անհեթեթ» են:
Քիմելի հարցին, թե ճի՞շտ են իր առողջական խնդիրների մասին լուրերը, Քլինթոնը պարզել է ձեռքը եւ առաջարկել ստուգել իր զարկերակը՝ պարզելու համար, որ ինքը «ողջ է»:
Օգոստոսի սկզբին սոցիալական ցանցերի օգտատերերը քննարկել են ԱՄՆ նախագահի թեկնածու Հիլարի Քլինթոնի առողջական վիճակը՝ կապված նրա լուսանկարների հետ, որտեղ նախկին պետքարտուղարը դժվարությամբ է հաղթահարում մի քանի աստիճանները:
GettyImages կայքում նշվում է, որ լուսանկարներն արվել են փետրվարի 24-ին, Քլինթոնն այդ ժամանակ աստիճաններով բարձրանալիս սայթաքել էր: Պարբերականի փոխանցմամբ, Քլինթոնի առողջական խնդիրները կարող են կապված լինել գլխուղեղի վնասվածքով: