Դոնի Ռոստովի պետական համալսարանի ղեկավարությունն արգելել է դասերին հաճախել ազգային հագուստով: Այս մասին ասել է ԲՈՒՀ-ի ռեկտոր Բեսարիոն Մեսխին, փոխանցում է ՏԱՍՍ-ը:
«Նախկինում որոշ ուսանողներ հիջաբ էին կրում: Այսօր մեզ մոտ ազգային հագուստը չի կարող դրսեւորում գտնել: Մեր համալսարանն աշխարհիկ է, որտեղ սովորում են տարբեր ազգությունների ներկայացուցիչներ: Մեզ մոտ ԲՈՒՀ-ի պահանջներին համապատասխանող քաղաքակիրթ հագուստ պետք է կրել՝ վերնաշապիկ, տաբատ, փողկապ»,- ասել է Մեսխին:
Նա նաեւ նշել է, որ ԲՈՒՀ-ի օրենքներն արգելում են ազգային պարերը, ինչպես օրինակ՝ լեզգինկան:
