ՀԱԿ-ը ակտիվ պատրաստվում է ՏԻՄ ընտրություններին, հատկապես Գյումրի եւ Վանաձոր քաղաքներում: Այս մասին օգոստոսի 23-ին՝ մամուլի ասուլիսի ժամանակ, ասել է ԱԺ ՀԱԿ խմբակցության քարտուղար Արամ Մանուկյանը:
Նրա խոսքով՝ այդ քաղաքները հատկապես կարեւոր են կուսակցության համար: «Ընտրական ցուցակներն արդեն պատրաստ են, կլինեն նաեւ ցուցակներ՝ բաղկացած ոչ միայն ՀԱԿ անդամներից: Վաղը չէ մյուս օրը կկայանա ՀԱԿ վարչության նիստը, որում կհաստատվեն ցուցակները, ինչից հետո հայտնի կդառնան թեկնածուների անունները: Մենք լրջորեն պատրաստվում ենք ՏԻՄ ընտրություններին»,- ասել է Արամ Մանուկյանը:
