Բուլղարիայի սեւծովյան «Սոլնեչնի բերեգ» հանգստավայրում երկու հայ հարձակվել են բուլղարուհու վրա, վիճել նրա ծանոթների հետ ու կրակ բացել գազային ատրճանակից, գրում է բուլղարական «Տրուդ» թերթը:
Չհաստատված տեղեկություններով Արմանն ու Արթուրը հարձակվել են Բուրգաս քաղաքից 20- ամյա Կ.Տ-ի վրա:
Աղջկան պաշտպանելու են շտապել նրա երեք 20-ամյա գործընկերները ՝ Դիմիտրովգրադ քաղաքի բնակիչներ: Ծեծկռտուքը նկարահանել է մոտակա բենզալցակայանում տեղադրված տեսախցիկը: Արթուրը մի քանի անգամ օդ է կրակել իր գազային ատրճանակից: Նրա հակառակորդները կոտրել են ջիպի ապակիները, որով հայերը փորձել են փախուստի դիմել:
Ծեծկռտուքի բոլոր մասնակիցները ձերբակալվել են: Իսկ Դիմիտրովգրադի բնակիչներից մեկի բնակարանի խուզարկության ժամանակ 70-80 գրամ մարիխուանա են գտել:
Բոլորին մեղադրանք է առաջադրվել
Պարբերականը հայտնում է, որ հարձակվողներից մեկի անունը Արթուր է, նա 28 տարեկան է, ունի ՌԴ անձնագիր ու մշտապես բնակվում է Պլովդիվում: Մյուսի անունը Արման է, 38 տարեկան է՝ Հայաստանից: