Համացանցում հայտնվել են Volkswagen–ի նոր յոթտեղանոց քրոսօվերի առաջին լուսանկարները:
Ավտոմեքենայի դեբյուտը, որը ենթադրաբար կստանա Teramont անվանումը, ծրագրված է Լոս ԱՆջելեսում աշնան վերջին:
Նոր յոթտեղանոց քրոսօվերի առաջին լուսանկարները հրապարակել է չինական Autohome պարբերականը: Ինչպես եւ ակնկալվում էր, քրոսօվերը CrossBlue կոնցեպտի ոճով է, որը ցուցադրվել էր Դեթրոյթի ավտասալոնում 2013-ին: Ի դեպ, նույնատիպ ոճով է նաեւ նոր սերնդի Tiguan քրոսօվերը : Կան նաեւ ավտոմեքենայի սալոնի լուսանկարները՝ այն նույնպես նման կլինի Tiguan –ի ոճին:
Նախնական տվյալներով քրոսօվերը կառուցված է MQB մոդուլային ճարտարապետությամբ: Շարժիչային գամմայում, ֆիրմային չորս ցիլինդրանի բենզինե ու դիզելային ագրեգատներից բացի եւս մեկ վեցցիլինդրանի շարժիչ կլինի: Նոր քրոսօվերը ամենայն հավանականությամբ կհավաքեն Չաթթանուգում՝ Volkswagen-ի գործարանում, հայտնում է «Ավտովեստին»: