«Սասնա ծռեր» խմբի աջակիցների բողոքի ակցիան «Դատապարտյալների հիվանդանոցի» մոտ ավարտվեց: NEWS.am-ի թղթակիցն հաղորդում է, որ «Սասնա ծռերի» աջակիցները վաղը՝ օգոստոսի 24-ին, կրկին կհավաքվեն նույն տեղում՝ հասկանալու՝ արդյոք պատշաճ բուժօգնություն է տրամադրվում «Սասնա ծռեր» խմբի անդամ Հովհաննես Հարությունյանին եւ մյուս անդամներին:
Նշենք, որ «Սասնա ծռեր» խմբի աջակիցները պահանջում են «Դատապարտյալների հիվանդանոցում» գտնվող «Սասնա ծռերի» վիրավոր անդամներին պատշաճ բուժօգնություն տրամադրել: Նրանք այսօր նույն պահանջով եղան ՄԻՊ գրասենյակում, այնուհետեւ երթով շարժվեցին ՀՀ արդարադատության նախարարություն, որտեղ որոշ ժամանակ մնալուց հետո, նախարար Արփինե Հովհաննիսյանի հետ հանդիպում պահանջեցին, սակայն, ապարդյուն: Երթի մասնակիցներն այնուհետեւ շարժվեցին «Դատապարտյալների հիվանդանոցի» շենք մոտ: