ԱՄՆ նախագահի դեմոկրատ թեկնածու Հիլարի Քլինթոնը իր մրցակից հանրապետական թեկնածու Դոնալդ Թրամփից առաջ է անցել 12 տոկոսով: Սա վերջին ամսում երկու թեկնածուների միջեւ ամենամեծ տարբերությունն է: Այդ մասին են վկայում Reuters-ի եւ Ipsos ընկերության համատեղ հարցման արդյունքները:
Հարցման տվյալներով, հարցվածների շուրջ 45 տոկոսը պատրաստ է իր ձայնը տալ Հիլարի Քլինթոնին, իսկ 33 տոկոսը՝ Թրամփին: Երկու թեկնածուների միջեւ ձայների տարբերությունը երկար ժամանակ չէր անցնում 10 տոկոսից:
Հարցվածների մոտ 22 տոկոսը չի աջակցել ոչ Քլինթոնին, ոչ Թրամփին:
Նախորդ հարցման տվյալներով Քլինթոնը Թրամփից առաջ էր անցել 6 տոկոսով:
