ԱՄՆ-ն փորձում է վնասել Ռուսաստանին ու ՕՊԵԿ պետություններին մանիպուլացնելով նավթի շուկայի իրավիճակը: Այս մասին հայտնել է Վենեսուելայի նախագահ Նիկոլաս Մադուրոն «Վենեսոլանա դե տելեվիսյոն» հեռուստաալիքի հաղորդումներից մեկի ժամանակ:
Նրա խոսքով, Միացյալ նահանգների վերջին տարիների էներգետիկ քաղաքականությունը ստեղծում է «էներգետիկ ու ֆինանսական քաոս», որի նպատակն է քաոսի մեջ ընկղմել «սեւ ոսկու» ամբողջ շուկան, որպեսզի վնասի Ռուսաստանին, ՕՊԵԿ երկրներին, իսկ կենտրոնական թիրախը Վենեսուելան է, հայտնում է ՏԱՍՍ-ը:
Նա նաեւ նկատել է, որ Վենեսուելայի արտգործնախարար Դելսի Ռոդրիգեսը ու նավթային արդյունաբերության նախարար Էուլոխիո դել Պինոն ուղեւորություն են կատարել ՕՊԵԿ անդամ ու ոչ անդամ երկրներ ու այդ ուղեւորությունը կարելի է հաջողված համարել: Բոլոր երկրներն էլ ցանկություն են հայտնել ընդլայնել համագործակցությունը Վենեսուելայի հետ:
Մինչ ուղեւորությունը շարունակվում էր, այդ հանրապետությունում նավթի գները բարելի համար 30 դոլարից 41 դոլար են բարձրացել:
