2016-ի սեպտեմբերի 1-ից վարորդների ավելի քան 75 տոկոսի համար ԱՊՊԱ սակագները չեն փոխվի կամ կնվազեն: Այս մասին լրագրողներին օգոստոսի 24-ին հայտնել է Ավտոապահովագրողների բյուրոյի նախագահ Վահան Ավետիսյանը, ներկայացնելով ԱՊՊԱ ոլորտում բարեփոխումների փաթեթը, որը ուժի մեջ է մտնելու սեպտեմբերի 1-ից:
Ապահովագրական պայմանագրերի բազային սակագները չեն փոխվի, բայց կպարզեցվեն դրանց ուղղիչ գործակիցները: Եվ այսպես կվերանան մի քանի մարդու կողմից վարվող մեքենաների նաեւ կցասայլերով բեռնատարների համար նախատեսված բարձր գործակիցները: Դրանք Կվերանան նաեւ տրանսպորտի համար. Ավետիսյանի խոսքով վարորդական պատմությունների բազան ցույց է տվել, որ դրանք բարձր ռիսկ չեն ներկայացնում:
Հաշվի առնելով գործակիցների վերանայումը, ավտոմեքենաների վարորդների 51 տոկոսի մոտ սակագները չեն բարձրանա, 17-18 տոկոսի մոտ՝ կնվազեն, մյուսների մոտ ՝ կբարձրանան: Վերջինները մտնում են ռիսկի խմբում՝ տաքսիներ, հզոր շարժիչներով մեքենաներ եւ այլն:
Մասնավորապես որպես անձնական փոխադրամիջոց օգտագործվող 80 ձիաուժից քիչ շարժիչներով մեքենաների համար նվազագույն սակագինը կկազմի 25 478 դրամ, առավելագույնը՝ 26 498 դրամ ( ընթացիկ փոխարժեքով 55-56 դոլար): Որպես տաքսի գործածվող նույնատիպ մեքենայի համար սակագինը մի քիչ ավեի բարձր կլինի (45 861 -47 696 դրամ) ՝ հաշվի առնելով տաքսու վարորդների ռիսկային վարորդական պատմությունը:
Բեռնատարների համար, կախված դրանք շարժիչների հզորությունից, սակագինը կտատանվի 30 192 -43 175 դրամի սահմանում:
Նոր սակագների հետ ավելի մանրամասն կարելի է ծանոթանալ ավտոապահովագրողների բյուրոյի կայքում: