Արագածոտնի մարզում օգոստոսի 23-ին արտակարգ դեպք է տեղի ունեցել. կինը ջրի փոխարեն սխալմամբ էսենցիայի լուծույթ է խմել ու մահացել:

Ապարանի բժշկական կենտրոնից  հայտնեցին, որ ժամը 13։30-ի սահմաններում կանչով հերթապահ խումբը մեկնել է Ապարան քաղաքի Գնթունիների փողոցի տներից մեկը, որտեղից «սուր թունավորում» ախտորոշմամբ իրենց մոտ են տեղափոխել նույն տան բնակիչ, 57-ամյա Զարիկ Խաչատրյանին։

Այնուհետեւ կնոջը տեղափոխել են «Արմենիա» բժշկական կենտրոն, որտեղ կինը գիտակցության չգալով մահացել է։

Ըստ նախնական տեղեկությունների՝ թունավորման պատճառը եղել է այն, որ Զ. Խաչատրյանը տանը ջրի փոխարեն սառնարանում դրված էսենցիայի լուծույթն է խմել, ինչն էլ դարձել է մահվան պատճառ։