Ադրբեջանի գլխավոր դատախազությունը հետաքննություն է անցկացնում երկրի առողջապահության նախկին նախարար Ալի Ինսանովի նկատմամբ հարուցված քրեական գործի շրջանակում: Այս մասին ասված է գլխավոր դատախազության մամուլի ծառայության ղեկավար Էլդար Սուլթանովի հայտարարությունում:
Ըստ haqqin.az-ի՝ առաջիկայում դատախազությունն առաջիկայում նոր քրեական գործի մանրամասների շուրջ հայտարարություն կտարածի:
Արդարադատության նախարարության Քրեակատարողական ծառայության աղբյուրներից ստացված տեղեկությունների համաձայն՝ Ալի Ինսանովը, չնայած օրենսդրությանն եւ ծառայության ներքին կանոններին, բանտարկյալների համար դեղատոմս է գրել եւ ապօրինի բժշկական գործունեություն ծավալել: Նախարարության գլխավոր բուժվարչությունն այդ դեղամիջոցների փորձաքննություն է կատարել՝ պարզելով, որ որոշներում թմրանյութեր կան:
Ներքին հետաքննություն է սկսվել: Քննության ընթացքում Ալի Ինսանովը ծեծկռտուք է հրահրել եւ փորձել բանտարկյալներին խռովության դրդել:
