Արագածավան գյուղում օգոստոսի 2-ին տներից մեկի վրա տեղի ունեցած ավազակային հարձակումը ուղղորդել տվյալ տան հարսը: Այս մասին NEWS.am-ը տեղեկանում է ոստիկանության կայքէջից:
Դեռեւս օգոստոսի 2-ին գյուղի Մանուշյան փողոցի տներից մեկում անհայտ անձը ներս էր մտել, որտեղ տանտիրուհին մենակ էր եղել: Կապկպել է տարեց տանտիրոջը, սպառնացել աքցանով քաշել ատամները, ապա հափշտակել գումար, զանգահարել ինչ-որ մեկին ու դիմել փախուստի:
Նրա հեռանալուց հետո տանտիրուհին արձակել է կապերը, հարեւանից օգնություն խնդրել: Ավազակային հարձակում կատարած
Ոստիկանության կատարած միջոցառումների արդյունքում պարզվել է,որ ավազակային հարձակումը ուղղորդել է տանտիրուհու հարսը, որը օրեր առաջ պարտքով գումար է ուզել սկեսրոջից, վերջինս մերժել է, ինչից հետո հարսը իր ծանոթի հետ դիմել է նման քայլի:
Ըստ ոստիկանության` Թալին քաղաքի բնակչուհի Տաթեւիկ Գրիգորյանը եւ Արտաշատի բնակիչ Մհեր Շահվերդյանը բերման են ենթարկվել օգոստոսի 5-ին եւ խոստովանել իրենց հանցանքը:
Ավազակային հարձակման փաստով քրեական գործ է հարուցվել, կատարվում է քննություն:
