Իտալիայի կենտրոնական հատվածում երկրաշարժի զոհերի թիվը հասել է 120-ի: Այս մասին հաղորդում է The Telegraph-ը՝ վկայակոչելով Իտալիայի վարչապետ Մատեո Ռենցիին: Ավելի վաղ հաղորդվում էր 73 զոհի մասին:

6.0 մագնիտուդով երկրաշարժը գրանցվել է տեղական ժամանակով 03:36-ին, որին հետեւել է երկրորդ ցնցումը՝ 5.4 մագնիտուդ ուժգնությամբ: Ցնցումները զգացել են Իտալիայի մի շարք խոշոր քաղաքներում:

Ամենաշատը տուժել են լեռնային տեղանքում գտնվող բնակավայրերը՝ Ամարտիչեն, Պեսկարա դել Տրոնտոն, Ակումոլին: