Սինգապուրում NuTonomy ընկերությունը թողարկել է աշխարհում առաջին անվարորդ տաքսի ծառայությունը, հաղորդում է Associated Press-ը:
Նշվում է, որ ընկերության ավտոպարկը բաղկացած է ընդամենը 6 մեքենայից, սակայն nuTonomy-ի աշխատակիցները մտադիր են տարեվերջին այդ թիվը հասցնել 12-ի:
nuTonomy-ն մտադիր է մինչեւ 2018 թվականը Սինգապուրոմ բոլոր տաքսիները փոխարինել Renault Zoe եւ Mitsubishi i-MiEV մակնիշի էլեկտրական մեքենաներով, որոնք կաշխատեն առանց վարորդի:
Սկզբնական շրջանում անվարորդ մեքենաները կաշխատեն միայն քաղաքի կենտրոնում՝ 2,5 քառ/մղոն տարածքում:
Ընկերության գլխավոր օպերացիոն տնօրեն Դագ Պարկեն կարծում է, որ քաղաքում nuTonomy-ի արտադրանքը ներդնելը թույլ կտա քաղաքում մեքենաների թիվը 900 հազարից հասցնել 300 հազարի: