Ստամբուլում ադրբեջանցի քրեական հեղինակություն Ռովշան Լենքորանսկիի (Ջանիեւ) սպանության գործով կալանավորվածներ կան:
Գործարար Թաիր Դ.-ն, որը վարել է այն մեքենան, որում սպանվել է Ռովշանը, կանչվել է ոստիկանության բաժանմունք որպես վկա, հաղորդում է Habertürk-ը: Ցուցմունք տալուց հետո նա կալանավորվել է:
Պարզվել է, որ Ռովշան Լենքոնասկին հյուրանոցում հանդիպել է Թաիր Դ.-ին: Այդ հանդիպմանը ներկա են եղել նաեւ Լենքորանսկիին մտերիմ ադրբեջանցիներ Հաջիբալա Թ.-ն, Ա. Ն.-ն եւ Զ. Ի.-ն: Նրանք նույնպես կանչվել են ոստիկանություն որպես վկաներ: Ցուցմունքներ տալու ընթացքում պարզվել է, որ Հաջիբալա Թ.-ն հետախուզման մեջ է գտնվում, բացի այդ, նա առնչություն ունի 2013-ի օգոստոսի 18-ին Ստամբուլում ադրբեջանցի գործարար Ալի Համիդովի սպանությանը:
Արդյունքում, նա նույնպես ձերբակալվել է: Բացի այդ, պարզվել է, որ Հաջիբալա Թ.-ն առնչություն ունի Ռուսաստանում տեղի ունեցած 5 սպանությունների: Հաղորդվում է, որ Համիդովի սպանությունը պատվիրել է Ռովշան Լենքորանսկին:
Քրեական աշխարհի ներկայացուցիչներ Լաշա Շ.-ի, Յուրի Պ.-ի, Վասիլի Խ.-ի եւ Նադիր Ս.-ի մասով հետաքննությունը շարունակվում է, որոք ձերբակալվել են որպես Լենքորանսկիի սպանության կասկածյալներ: