Ֆրանսիայի վարչապետ Մանուել Վալսը կոչ է արել զգույշ լինել ծովափերին մուսուլմանական բուրկինի հագնելու արգելքի մասին քաղաքապետարանների որոշումները կիրառելիս: Այս մասին նա հայտարարել է ելույթ ունենալով BFM TV հեռուստաալիքի եթերում:
«Մի շարք քաղաքապետերի կողմից ընդունված որոշումը՝ ծովափերին բուրկինիներ հագնելու արգելքի մասին, պետք է կիրառել խելամտության սահմաններում»,-ասել է Վալսը: նա ընդգծել է, որ չի կարելի թույլ տալ, որ դրանով մուսուլման կանանց պիտակավորելու միտում առաջանա:
«Մենք ուզում ենք Ֆրանսիայում ստեղծել իսլամ, որը համատեղելի կլինի մեր հանրապետության արժեքներին»,-հայտարարել է վալսը: Միաժամանակ նա պաշտպանել է արգելքների կիրառումը՝ նշելով, որ «Ֆրանսիան գտնվում է արմատական իսլամիզմի եւ ահաբեկչության դեմ պայքարի պայմաններում»: «Նմանատիպ հագուստը կանանց հպատակեցնելու արտահայտություն է»,-ընդգծել է վարչապետը:
Նշենք, որ Ֆրանսիայի պետական խորհուրդը քննարկում է երկու իրավապաշտպան կազմակերպությունների բողոքն ընդդեմ ֆրանսիական մի շարք քաղաքապետերի որոշումները՝ կապված ծովափերին մուսուլմանական հագուստ կրելու արգելքի հետ:
Նմանատիպ արգելքները հանգեցրել են նրան, որ ֆրանսիական ոստիկանությունը որոշ դեպքերում ստիպել է ծովափում գտնվողն կանանց հանել բուրկինիները կամ այլ երկարափեշ մուսուլմանական հագուստները, տուգանվել է նրանց եւ ստիպել լքել ծովափը: Դա բացասական արձագանք է առաջացրել ոչ միայն մուսուլմանների շրջանում, այլեւ մի շարք որ մուսուլմանական համայքների: