Այս տարվա առաջին կիսամյակի ավարտին (հունիսի 30-ի դրությամբ) ԿԲ ընդհանուր ակտիվների ծավալը կազմել է 1 տրլն 303,2 մլրդ դրամ:
Հայաստանի ԿԲ-ից NEWS.am-ին հայտնում են, որ առաջին եռամսյակի համեմատությամբ` երկրորդ եռամսյակում ընդհանուր ակտիվները նվազել են ավելի քան 49 մլրդ դրամով:
ԿԲ ակտիվների մեջ գերակշռում են արտարժույթով ակտիվները, որոնց ծավալն առաջին կիսամյակի ցուցանիշներով կազմել է շուրջ 833 մլրդ դրամ: Մարտի 31-ի համեմատ դրանք նվազել են մոտ 36 մլրդ դրամով:
Տեղական արժույթով ակտիվների ծավալը կազմել է շուրջ 470 մլրդ դրամ (մարտի 31-ի համեմատ նվազել են մոտ 14 մլրդ դրամով):
ԿԲ ընդհանուր պարտավորություններն այս տարվա առաջին կիսամյակի ավարտին կազմել են 1 տրլն 309,9 մլրդ դրամ: Մարտի 31-ի համեմատ դրանք նվազել են ավելի քան 45 մլրդ դրամով:
Ի տարբերություն ակտիվների` ԿԲ պարտավորություններում գերակշռում են տեղական արժույթով պարտավորությունները, որոնք կազմել են 815.8 մլրդ դրամ, իսկ արտարժույթով պարտավությունները նշված ժամանակահատվածի ավարտին կազմել են 494,1 մլրդ դրամ:
Արտարժույթով կանխիկ դրամը հունիսի 30-ի դրությամբ կազմել է մոտ 16 մլրդ դրամ:
