ՀՀ վերաքննիչ քրեական դատարանն այսօր՝ օգոստոսի 25-ին, մերժեց «Սասնա ծռերի» անդամ Արայիկ Խանդոյանի խափանման միջոց կալանքը փոխելու մասին նրա պաշտպանի ներկայացրած բողոքը: Այս մասին լրագրողների հետ զրույցում ասաց Խանդոյանի պաշտպան Արայիկ Պապիկյանը:
«Հերթական քաղաքական որոշումը կայացվեց, դատարանը նոտարի պես հաստատեց առաջին ատյանի դատարանի որոշումը»,- նշեց Պապիկյանը՝ հավելելով, որ անհասկանալի պատճառներով Արայիկ Խանդոյանը չէր բերվել դատական նիստին թեեւ նախորդ նիստի ժամանակ ինքը միջնորդություն էր ներկայացրել եւ նշել, որ իր պաշտպանյալը ցանկություն ունի ներկա լինել այդ նիստին:
Նշենք, որ Արայիկ Խանդոյանին մեղադրանք է ՀՀ Քր.օր.-ի 218 հոդվածի 3-րդ մասի 1-ին կետով (պատանդ վերցնելը) եւ 235 հոդվածի 3-րդ մասով (ապօրինի զենք զինամթերք ձեռք բերել, իրացնել, պահել, փոխադրել):
