Ռուսաստանի համար անակնկալ չէր, որ ԴԱԻՇ-ը («Իսլամական պետություն» ահաբեկչական խմբավորման արաբական անունն է) քիմիական զենք ունի եւ այն օգտագործում է ոչ միայն Իրաքում, այլ նաեւ Սիրիայում: Այս մասին հայտարարել է Ռուսաստանի ԱԳ նախարարության պաշտոնական ներկայացուցիչ Մարիա Զախարովան:
«Ռուսական կողմն այդ մասին բազմիցս է ասել, նախազգուշացրել, այժմ այդ փաստերը հաստատվել են համապատասխան զեկույցում»,- «Ռոսիսկայա Գազետա»-ի փոխանցմամբ՝ նշել է Զախարովան:
Ավելի վաղ Սիրիայում իրականացված հետաքննությամբ հաստատվել են այն փաստերը, որոնք վկայում են ԴԱԻՇ-ի մոտ քիմիական զենքի առկայությունը: Զեկույցը պատրաստել է ՄԱԿ-ը եւ Քիմիական զենքի արգելման կազմակերպությունը:
