Եգիպտոսի մատակարարման նախարար Հալեդ Հանաֆին կոռուպցիոն մեղադրանքների ֆոնին հրաժարական է ներկայացրել: Այս մասին գրում է ՌԻԱ Նովոստին:
«Ամբողջ պատասխանատվությամբ հայտարարում եմ, որ հեռանում եմ պաշտոնից, որպեսզի պետությունը կարողանա ընտրել մեկին, ով բարեփոխումները շարունակելու պատասխանատվություն կստանձնի»,- Կահիրեում կայացած ասուլիսում հայտարարել է պաշտոնյան:
Տեղական լրատվամիջոցների փոխանցմամբ՝ Եգիպտոսի նախագահն արդեն ընդունել է հրաժարականը: Առաջիկայում նախկին նախարարին կարող են հարցաքննության կանչել:
Ավելի վաղ եգիպտական խորհրդարանի պատգամավորներն ու մի շարք լրատվամիջոցներ Մատակարարման նախարարությանը մեղադրել էին ցորենի գնման ժամանակ խարդախության համար, ինչը կարող էր պետությանը տասնյակ միլիոնավոր դոլարների վնաս հասցնել: