Վայոց ձորի Աղավնաձոր գյուղում 34-ամյա տղամարդը կողաշրջվել է սեփական այգու աշխատանքներ անելու ժամանակ: Այս մասին NEWS.am-ին հայտնեց Աղավնաձորի գյուղապետ Աշոտ Գալստյանը:
«Բանվոր տղա է, վարուցանք անող տրակտորով իր այգում գործ անելուց է եղել, երեւի անուշադիր է եղել, առվի մեջ է ընկել»,- ասաց գյուղապետը:
Հիշեցնենք, որ 34-ամյա Արմեն Վարդանյանի վիճակը կայուն ծանր է, նա վիրահատության է ենթարկվել, կոտրվածքներ ունի:
Հիշեցնենք, որ օգոստոսի 24-ին ժամը 18:00-ի սահմանում Աղավնաձոր գյուղի վարչական տարածքում գտնվող «Նամազալի» կոչվող տարածքում՝ դաշտամիջյան ճանապարհին, տրակտոր էր կողաշրջվել: