Քննիչներն այսօր՝ օգոստոսի 26-ին մեղադրանք են առաջադրել Մոսկվայի կենտրոնում Citibank-ի մասնաճյուղում պատանդներ վերցրած Արամ Պետրոսյանին, հաղորդում է «ՌԻԱ նովոստին»:
«Արամ Պետրոսյանը մեղադրվում է Ռուսաստանի քրեական օրենսգրքի 206-րդ հոդվածի 2-րդ մասի «գ», «ժ» կետերով (ավելի քան երկու անձանց առարկան որպես զենք օգտագործելով պատանդ վերցնելը)»,- հայտնել է Ռուսաստանի քննչական կոմիտեի Մոսկվայի քննչական վարչության ղեկավարի օգնական Յուլյա Իվանովան:
Ռուսաստանի քրեական օրենսգրքով նրան սպառնում է 6-15 տարվա ազատազրկում:
Սնանկացած գործարար Արամ Պետրոսյանն օգոստոսի 24-ին Մոսկվայի կենտրոնում Citibank-ի մասնաճյուղում պատանդ է վերցրել 4 մարդու՝ սպառնալով պայթեցնել բաժանմունքը: Ավելի ուշ նա բաց է թողել պատանդներին եւ հանձնվել իշխանություններին:
Նշվում է, որ Պետրոսյանը տարբեր սարքերի մի շարք պատենտների հեղինակ է: Նա իր տեսաուղերձում դիմել է ՌԴ նախագահ Վլադիմիր Պուտինին եւ խնդրել լինել իր «հանրային պաշտպանը»:
