Ադրբեջանի Ժողովրդական ճակատ կուսակցության առաջնորդ Ալի Քերիմլին «Ամերիկայի ձայն»-ին տված հարցազրույցում մեկնաբանել է իր՝ նախապատրաստվող ձերբակալության մասին հաղորդագրությունները:
«Իմ ձերբակալությունը միանգամայն իրական է: Երկար ժամանակ է՝ իշխանամետ լրատվամիջոցները կանոնավորապես եւ լրջորեն զրպարտում են ինձ: Իմ շրջապատի մարդկանց արագորեն ձերբակալում են: Բայց ավելի լավ է ինձ ձերբակալեն, քանի որ ձերբակալում են անմեղ մարդկանց՝ իմ ձերբակալությունը հիմնավորելու համար: Եթե խնդիրն իմ մեջ է, ես պատրաստ եմ»,- ասել է Քերիմլին:
Մեղադրանքների մասին հարցին Քերիմլին պատասխանել է, որ կառավարական մամուլն իրեն արդեն Ադրբեջանում «գլխավոր գյուլենական» է կոչել, այդ պատճառով կարելի է ենթադրել, որ հենց այդ մեղադրանքը կընտրվի:
